मुस्ताङमा विदेशी पर्यटकको उल्लेख्य वृद्धि, तीन महिनामै ४३ हजारभन्दा बढी आगमन
मुस्ताङ । हिमाली जिल्ला मुस्ताङ मा विदेशी पर्यटकको आगमन उल्लेख्य रूपमा वृद्धि भएको छ। अन्नपूर्ण संरक्षण क्षेत्र आयोजना (अन्नपूर्ण संरक्षण क्षेत्र आयोजना) जोमसोमका अनुसार सन् २०२६ को जनवरीदेखि मार्चसम्म ४३ हजार ६५ जना विदेशी पर्यटक मुस्ताङ पुगेका छन्।
जोमसोम स्थित कार्यालय प्रमुख राजेश गुप्ता का अनुसार उक्त अवधिमा सार्क राष्ट्रबाट ३७ हजार ९८९ जना तथा अन्य मुलुकबाट पाँच हजार ६७ जना पर्यटकले मुस्ताङ भ्रमण गरेका हुन्।
तुलनात्मक रूपमा सन् २०२५ को सोही अवधिमा २८ हजार ७४४ जना विदेशी पर्यटक मुस्ताङ पुगेका थिए। त्यस वर्ष सार्क राष्ट्रबाट २४ हजार ८४७ र अन्य मुलुकबाट ३ हजार ८९७ जना आगमन भएको थियो।
तथ्यांकअनुसार सन् २०२६ को पहिलो तीन महिनामा सार्क राष्ट्रबाट आउने पर्यटक संख्या ३४.५९ प्रतिशतले वृद्धि भएको छ भने अन्य मुलुकबाट आउने पर्यटक संख्या पनि २३.०९ प्रतिशतले बढेको छ।
वार्षिक रूपमा पनि मुस्ताङमा पर्यटक आगमन निरन्तर बढ्दो क्रममा देखिएको छ। सन् २०२४ मा १ लाख ३५ हजार ७१९ जना विदेशी पर्यटक आएका थिए भने सन् २०२५ मा यो संख्या बढेर १ लाख ६१ हजार १२२ पुगेको थियो।
प्राकृतिक सौन्दर्य, धार्मिक तथा सांस्कृतिक सम्पदाले भरिपूर्ण मुस्ताङ पछिल्ला वर्षहरूमा आन्तरिक तथा बाह्य पर्यटकका लागि प्रमुख गन्तव्यका रूपमा स्थापित हुँदै गएको छ।
